FAMILIA YAMDHIBITI BINTI WA WHITNEY HOUSTON KUHUSU MALI...

KUSHOTO: Bobbi Kristina akiwa na mama yake, Whitney Houston. KATIKATI: Bobbi Kristina. KULIA: Akiwa na mpenzi wake, Nick Gordon.

Alitamba sana katika vichwa vya habari baada ya kuanza mahusiano ya kimapenzi na kaka yake ya kufikia na kuamua kuendesha kipindi chake mwenyewe cha runinga.
Sasa jeuri ya Bobbi Kristina Brown imemrudi na kumtafuna mwenyewe, baada ya familia ya mama yake Whitney Houston wanajaribu kumzuia binti huyo kumiliki mali za marehemu mama yake.
Wasimamizi wa shamba, ambao ni pamoja na bibi yake Cissy, wamefungua mashitaka wakitaka utaratibu wa malipo kwa Bobbi Kristina ubadilishwe.
Kwa mujibu wa ripoti, wanahofia binti huyo mwenye miaka 19, yuko katika milki ya watu wanaotiliwa mashaka wenye kutaka kujinufaisha kupitia kwake.
Katika nyaraka zilizowasilishwa katika mahakama ya Kuu ya Fulton County mjini Atlanta, Cissy anadai mjukuu wake 'ni mlengwa mkuu wa wote wenye nia ya kuchuma mali kutoka kwake au kutaka kujinufaisha kwa kutumia umaarufu wake.'
Wasimamizi wanadai utaratibu wa michango unakinzana na 'dhamira yake ya kutaka kuweka usalama wa kifedha wa muda mrefu na ulinzi kwa ajili ya mtoto wake.
Bobbi Kristina ni mrithi pekee wa mali za Whitney, ambazo zinajumuisha mapato yote yaliyosalia ya nyota huyo na vitegauchumi.
Nyota huyo wa filamu ya Bodyguard alikutwa amekufa katika bafu ndani ya chumba alichopanga kwenye Hoteli ya Beverly Hilton Februari mwaka huu, ambapo ofisi ya mkemia ilisema katika ripoti yake ya uchunguzi kwamba kilitokana na kuzama kwa bahati mbaya.
Bobbi Kristina kwa sasa anaendelea na kurekodi kipindi chake cha runinga cha The Houston Family Chronicles, ambacho kitaanza kurushwa hewani baadaye mwaka huu.
Wiki iliyopita alihusika katika ajali ya gari mjini Georgia na kusababisha gari la rafiki yake wa kiume aina ya Camaro kuharibika vibaya sana.
Hakuna aliyejeruhiwa katika ajali hiyo, lakini vyanzo vya habari vimeeleza Gordon mwenye miaka 22, alikuwa akiendesha wakati binti huyo alikuwa kando katika kiti cha abiria.
Hakuna gari nyingine iliyohusika katika ajali hiyo iliyotokea Alpharetta, lakini taarifa za kwanini gari hilo liliharibika vibaya hivyo bado hazijawekwa wazi.
Baba yake Bobby Brown hivi karibu alianza kupata tiba kurekebisha tabia baada ya kurefushwa kipindi cha unywaji pombe kufuatia kifo cha Whitney na hatua ya hivi karibuni ya kutengwa na binti yake.