MISS TANZANIA 2013 APATIKANA, NI HAPPINESS WATIMANYWA...

Happiness Watimanywa.

Taji la urembo wa Tanzania mwaka 2013 limepata mwenyewe na safari hii limekwenda mkoani Dodoma.

Mrembo Happiness Watimanywa alitawanza rasmi kuwa mshindi wa taji hilo na kuwabwaga washiriki wenzake 20 katika shindano hilo lililofanyika usiku wa kuamkia leo kwenye Ukumbi wa Mlimani City, Dar es Salaam.
Kwa ushindi huo, Happiness ambaye alijibu kwa ufasaha maswali aliyoulizwa, amejishindia zawadi ya gari dogo jipya aina ya Toyota IST.
Mbali na zawadi ya gari hilo, Happiness pia amejinyakulia fedha taslimu Shilingi milioni nane.
Kwa ushindi huo, mlimbwende huyo kutoka Dodoma ataliwakilisha taifa katika mashindano ya Miss World yaliyopangwa kufanyika mjini Jakarta, Indonesia wiki ijayo.