BARAFU ZA AZAM ZAYEYUKIA JANGWANI, YANGA YATETEA KOMBE LA KAGAME...

Wachezaji wa timu ya soka ya Yanga wakishangilia huku wameshikilia kombe baada ya kufanikiwa kutetea ubingwa wao wa Michuano ya Kombe la Kagame kwa nchi za ukanda wa Afrika Mashariki na Kati baada ya kuifunga Azam kwa mabao 2-0 katika mechi iliyofanyika kwenye Uwanja wa Taifa, Dar es Salaam jana. Mabao ya Yanga yalifungwa na Hamis 'Diego' Kiiza na Saidi Bahanunzi 'Balotelli Mtulivu', ambaye ameibuka kuwa mfungaji bora wa michuano hiyo ya mwaka huu kwa kuweka kimiani mabao saba.