WAWILI MBARONI KWA KUKUTWA NA MENO YA TEMBO

Jeshi la Polisi kwa kushirikiana na askari wa wanyama pori mkoani hapa,

wamefanikiwa kuwakamata watu wawili kwa tuhuma za kupatikana na meno ya tembo  na ngozi ya chui.

Kwa mujibu wa Kamanda wa polisi Mkoani hapa, tukio la kwanza ni la Januari  24 saa 6 mchana katika maeneo ya mbuga ya wanyama ya Selous.

Alimtaja mtuhumiwa huyo kuwa ni Mwagi Doto, ambapo alisema kuwa  askari hao baada ya kumtilia shaka, walimfanyia upekuzi na kumkuta na jino hilo la tembo, lenye thamani ya sh.mil 24.3.

Tukio la pili ni la Januari 25 saa 9 alasiri katika kitongoji cha Pondamali kijiji cha Bwawani tarafa ya Mang’ula wilayani Kilombero mkoani hapa, ambapo askari wa Shirika la Hifadhi za Taifa (TANAPA), walimkamata Ally Abdalah (22), mkazi wa Bwawani akiwa na ngozi ya chui.

Alisema watuhumiwa wote, wanatarajiwa kufikishwa mahakamani baada ya uchunguzi kukamilika.