 |
| Mizengo Pinda. |
Waziri Mkuu, Mizengo Pinda amepiga marufuku wakuu wa wilaya mpya na watumishi wa Serikali walioajiriwa katika wilaya hizo, kuishi nje ya makao makuu ya wilaya hizo.
Amewataka waache kuishi katika makao makuu ya mikoa, kwa visingizio visivyo na tija, vikiwemo uhaba wa nyumba za watumishi.
Pinda alitoa agizo hilo juzi mjini Inyonga katika makao makuu ya Wilaya mpya ya Mlele Mkoa wa Katavi. Alikuwa akihutubia mkutano wa hadhara baada ya kupewa taarifa, kwamba baadhi ya wakuu wa wilaya mpya, wanaishi mijini, wakitoa kisingizio cha uhaba wa nyumba za kuishi watumishi.
“Naagiza wakuu wote wa wilaya na watumishi katika wilaya mpya, zilizoanzishwa kuishi katika vituo vyao vya kazi na sio kukaa mijini.
Kila mtu aende kwenye kituo chake cha kazi, hata kama hakuna maji wala nishati ya umeme, kwa sababu akikaa mjini lini mtapata uchungu na kuhakikisha vituo vya kazi vinapatiwa huduma hizo muhimu za kijamii?” Alisema.
Alimpongeza Mkuu wa Wilaya ya Mlele, Ngemela Lubinga kwa kuhamia na kuishi katika makao makuu ya wilaya hiyo licha ya kukabiliwa na changamoto nyingi ikiwemo uhaba mkubwa wa nyumba za watumishi.
Aliuhakikishia uongozi wa Wilaya hiyo mpya ya Mlele ili kukabiliana na uhaba huo wa nyumba za watumishi, Shirika la
Nyumba (NHC) linatarajia kujenga nyumba 250 mkoani Katavi, ambapo kati ya hizo, 20 zitajengwa mjini Inyonga.
Katika hatua nyingine, Pinda alisema kuwa halmashauri za Nsimbo na Mlele zitaanzishwa hivi karibuni, hivyo wilaya hiyo kuwa na halmashauri mbili za kiutawala. Lengo la hatua hiyo ni kusogeza huduma muhimu za kijamii karibu na wananchi.
Akitoa sababu za kuanzishwa kwa halmashauri hizo, alisema ni kutokana na ukubwa wa eneo la kilometa za mraba 26,000,
sawa na nchi jirani ya Burundi, yenye ukubwa wa kilometa 27,000 za mraba.
Pia, aliahidi kutoa trekta moja kwa kikundi cha vijana katika Kata ya Ilunde ili waondokane na kilimo cha jembe la mkono na waboreshe uchumi wa eneo hilo.
Alitoa ahadi hiyo wakati akizungumza na wakazi wa Kijiji cha Ilunde kwenye uwanja wa Shule ya Msingi Ilunde katika siku ya pili ya ziara yake jimboni kwake Katavi wilayani Mlele.
Pinda ambaye ni Mbunge wa Katavi alisema atawapatia
trekta hilo kama mkopo ili nao warudishe trekta jingine, likopeshwe kwa kikundi kingine.
“Hapa naanzisha ‘Kopa trekta lipa trekta’. Litakuja likiwa na majembe yake,” alisema Waziri Mkuu huku akishangiliwa.
“Ni lazima tuondokane na kilimo cha jembe la mkono kwa sababu hakina tija... na zaidi nasisitiza kuondokana na kilimo cha matuta kwa sababu kinatumia nguvu nyingi na kupoteza eneo kubwa ambalo lingetumika kupanda mazao,” alisisitiza.
Amewataka waache kuishi katika makao makuu ya mikoa, kwa visingizio visivyo na tija, vikiwemo uhaba wa nyumba za watumishi.
Pinda alitoa agizo hilo juzi mjini Inyonga katika makao makuu ya Wilaya mpya ya Mlele Mkoa wa Katavi. Alikuwa akihutubia mkutano wa hadhara baada ya kupewa taarifa, kwamba baadhi ya wakuu wa wilaya mpya, wanaishi mijini, wakitoa kisingizio cha uhaba wa nyumba za kuishi watumishi.
“Naagiza wakuu wote wa wilaya na watumishi katika wilaya mpya, zilizoanzishwa kuishi katika vituo vyao vya kazi na sio kukaa mijini.
Kila mtu aende kwenye kituo chake cha kazi, hata kama hakuna maji wala nishati ya umeme, kwa sababu akikaa mjini lini mtapata uchungu na kuhakikisha vituo vya kazi vinapatiwa huduma hizo muhimu za kijamii?” Alisema.
Alimpongeza Mkuu wa Wilaya ya Mlele, Ngemela Lubinga kwa kuhamia na kuishi katika makao makuu ya wilaya hiyo licha ya kukabiliwa na changamoto nyingi ikiwemo uhaba mkubwa wa nyumba za watumishi.
Aliuhakikishia uongozi wa Wilaya hiyo mpya ya Mlele ili kukabiliana na uhaba huo wa nyumba za watumishi, Shirika la
Nyumba (NHC) linatarajia kujenga nyumba 250 mkoani Katavi, ambapo kati ya hizo, 20 zitajengwa mjini Inyonga.
Katika hatua nyingine, Pinda alisema kuwa halmashauri za Nsimbo na Mlele zitaanzishwa hivi karibuni, hivyo wilaya hiyo kuwa na halmashauri mbili za kiutawala. Lengo la hatua hiyo ni kusogeza huduma muhimu za kijamii karibu na wananchi.
Akitoa sababu za kuanzishwa kwa halmashauri hizo, alisema ni kutokana na ukubwa wa eneo la kilometa za mraba 26,000,
sawa na nchi jirani ya Burundi, yenye ukubwa wa kilometa 27,000 za mraba.
Pia, aliahidi kutoa trekta moja kwa kikundi cha vijana katika Kata ya Ilunde ili waondokane na kilimo cha jembe la mkono na waboreshe uchumi wa eneo hilo.
Alitoa ahadi hiyo wakati akizungumza na wakazi wa Kijiji cha Ilunde kwenye uwanja wa Shule ya Msingi Ilunde katika siku ya pili ya ziara yake jimboni kwake Katavi wilayani Mlele.
Pinda ambaye ni Mbunge wa Katavi alisema atawapatia
trekta hilo kama mkopo ili nao warudishe trekta jingine, likopeshwe kwa kikundi kingine.
“Hapa naanzisha ‘Kopa trekta lipa trekta’. Litakuja likiwa na majembe yake,” alisema Waziri Mkuu huku akishangiliwa.
“Ni lazima tuondokane na kilimo cha jembe la mkono kwa sababu hakina tija... na zaidi nasisitiza kuondokana na kilimo cha matuta kwa sababu kinatumia nguvu nyingi na kupoteza eneo kubwa ambalo lingetumika kupanda mazao,” alisisitiza.
No comments:
Post a Comment