HUDUMA YA MAJI YAREJEA DAR

Baada ya wakazi wa Dar es Salaam na Bagamoyo kukaa bila maji takribani siku nane, hatimaye baadhi ya maeneo yameanza kupata maji baada ya matengenezo yaliyokuwa yanafanyika kukamilika.

Akizungumza na mwandishi, Ofisa Habari wa Mamlaka ya Majisafi na Majitaka jijini Dar es Salaam (DAWASCO), Theresia Mlengu alisema maji hayo yalianza kutoka baada ya taarifa iliyotolewa na Ofisa Mtendaji Mkuu Jackson Midala, Januari 29, mwaka huu.

Alisema baada ya Ofisa Mtendaji Mkuu huyo kutangaza kuwa marekebisho ya mtambo yamekamilika na huduma ya maji itarejea kama kawaida, kwa  bahati mbaya saa chache baada ya maji kuanza kutoka  eneo lililofanyiwa marekebisho liliharibika  tena.

Aliongeza kuwa mafundi waliendelea na kazi  ili kuhakikisha huduma hiyo inarejea kwa haraka, hatimaye juzi walifanikiwa kukamilisha kazi na kuanzia jana asubuhi baadhi ya maeneo yaliyopo karibu na eneo ulipo mtambo huo yalianza kupata maji.

Alisema kutokana na umbali wa kilometa 50 kutoka eneo ulipo mtambo huo wakazi waishio katikati ya mji watalazimika kuwa na subira kwani itachukua hadi masaa sita maji kufika katikati ya mji.

Alisema maeneo yaliyokuwa yameathirika na tatizo hilo ni Tegeta, Bagamoyo, Boko, Bunju, Bahari Beach, Sinza, Kinondoni, Sinza, Mwenge, Chuo Kikuu, Ununio, Masaki, Mwananyamala, Magomeni na Msasani. mi, nafasi aliyoishika hadi mwaka huu.