Matukio ya ukatili dhidi ya watu wenye ulemavu wa ngozi, yameendelea kushamiri mkoani Rukwa ambako siku moja baada ya jeshi la polisi kufukua mkono wa mwanamke albino uliokuwa umezikwa porini, watu wasiojulikana wamemfanyia unyama albino mwingine mtoto kwa kumnyofoa mkono wake mmoja na kutokomea nao kusikojulikana.
Mtoto huyo mwenye umri wa miaka saba, Mwigulu Matomange Magessa, ameripotiwa kushambuliwa na vijana watatu waliovaa `Kininja’ na kuunyofoa mkono wake wa kushoto.
Hayo yamethibitishwa na Diwani wa Kata ya Milepa, Apolinary Macheta akisema tukio hilo lilitokea juzi saa kumi na moja jioni wakati Mwigulu ambaye anasoma darasa la kwanza katika Shule ya Msingi Msia katika Kata ya Milepa, Bonde la Ziwa Rukwa wilayani Sumbawanga akirejea nyumbani Msia Mashambani akiwa ameongozana na kundi la wanafunzi wenzake.
Kaimu Kamanda wa Polisi wa Mkoa wa Rukwa, Peter Ngusa alipotafutwa kwa simu kuelezea kadhia hiyo, ilielezwa kuwa hayupo ofisini tangu juzi usiku akiongoza msako dhidi ya watu waliofanya unyama huo.
Lakini diwani Macheta ameendelea kusema kuwa, hali ya Mwigulu bado ni mbaya kwani alipoteza damu nyingi na hatimaye kupoteza fahamu kabla ya kufikishwa katika zahanati ya Mtowisa katika Bonde la Ziwa Rukwa wilayani hapa.
Akisimulia zaidi, Macheta alisema pamoja na kupiga kelele hawakuweza kupata msaada kutokana na mazingira ya eneo husika.
Kijiji cha Msia kimegawanyika sehemu mbili 'Msia Center' na 'Msia mashambani’.
Kwa mujibu wa diwani huyo watoto walipofika kwa wazazi wa kule Msia mashambani waliwasimulia mkasa uliowakuta ndipo ulipoanza msako mkali wa kumtafuta mtoto Mwigulu na kumkuta akiwa mashambani na huku mkono wake mmoja ukiwa umenyofolewa na kumkimbiza katika zahanati ya kijiji cha jirani cha Mtowisa ambapo amelazwa kwa matibabu.
Ingawa Kaimu Kamanda wa Ngusa hakupatikana kwa simu, habari kutoka ndani ya jeshi hilo mkoani hapa zinathibitisha kutokea kwa tukio hilo ambapo hadi sasa hakuna yeyote aliyekamatwa.
Mtoto huyo mwenye umri wa miaka saba, Mwigulu Matomange Magessa, ameripotiwa kushambuliwa na vijana watatu waliovaa `Kininja’ na kuunyofoa mkono wake wa kushoto.
Hayo yamethibitishwa na Diwani wa Kata ya Milepa, Apolinary Macheta akisema tukio hilo lilitokea juzi saa kumi na moja jioni wakati Mwigulu ambaye anasoma darasa la kwanza katika Shule ya Msingi Msia katika Kata ya Milepa, Bonde la Ziwa Rukwa wilayani Sumbawanga akirejea nyumbani Msia Mashambani akiwa ameongozana na kundi la wanafunzi wenzake.
Kaimu Kamanda wa Polisi wa Mkoa wa Rukwa, Peter Ngusa alipotafutwa kwa simu kuelezea kadhia hiyo, ilielezwa kuwa hayupo ofisini tangu juzi usiku akiongoza msako dhidi ya watu waliofanya unyama huo.
Lakini diwani Macheta ameendelea kusema kuwa, hali ya Mwigulu bado ni mbaya kwani alipoteza damu nyingi na hatimaye kupoteza fahamu kabla ya kufikishwa katika zahanati ya Mtowisa katika Bonde la Ziwa Rukwa wilayani hapa.
Akisimulia zaidi, Macheta alisema pamoja na kupiga kelele hawakuweza kupata msaada kutokana na mazingira ya eneo husika.
Kijiji cha Msia kimegawanyika sehemu mbili 'Msia Center' na 'Msia mashambani’.
Kwa mujibu wa diwani huyo watoto walipofika kwa wazazi wa kule Msia mashambani waliwasimulia mkasa uliowakuta ndipo ulipoanza msako mkali wa kumtafuta mtoto Mwigulu na kumkuta akiwa mashambani na huku mkono wake mmoja ukiwa umenyofolewa na kumkimbiza katika zahanati ya kijiji cha jirani cha Mtowisa ambapo amelazwa kwa matibabu.
Ingawa Kaimu Kamanda wa Ngusa hakupatikana kwa simu, habari kutoka ndani ya jeshi hilo mkoani hapa zinathibitisha kutokea kwa tukio hilo ambapo hadi sasa hakuna yeyote aliyekamatwa.
No comments:
Post a Comment