HATIMAYE MTOTO WA KAMBO WA USHER RAYMOND AZIKWA...

Mtoto wa kambo wa mwimbaji Usher Raymond ambaye alifariki wiki iliyopita kwa ajali, amezikwa katika mazishi yaliyofanyika jana.
Kama ilivyoripotiwa awali, Kyle Glover, mtoto wa kiume wa mke wa zamani wa Usher, Tameka Raymond alithibitishwa kufa ubongo kufuatia ajali aliyopata mapema mwezi huu, na baadaye kufariki dunia siku ya Jumamosi kutokana na majeraha aliyopata.
Kwa mujibu wa vyanzo vya habari, Kyle alikuwa akiendesha ubao wake ndani Ziwa Lanier huko Georgia Julai 6, mwaka huu ndipo akagongwa na ubao wenye injini. Alikuwa hajitambui alipitolewa kutoka kwenye maji.
Mazishi ya Kyle yamefanyika mjini Atlanta mapema jana. Alizikwa katika makaburi yaliyo jirani na mahali alipokuwa akiishi.