MWANAMKE KIPOFU ABAKWA STESHENI NA MTU ALIYEJIFANYA MSAMARIA MWEMA

Mwanaume mmoja aliyejifanya msamaria mwema amembaka mwanamke mwenye ulemavu wa kuona kwenye moja ya Stesheni zenye pilika nyingi nchini Uingereza.

Wapelelezi wameweka hadharani picha za kamera za CCTV za mtu ambaye wanataka kuongea naye kuhusiana na tukio hilo lililotokea kwenye Stesheni ya Waterloo, mjini London.

Polisi wamesema mwathirika huyo aliingiliwa kimwili ba mwanaume huyo ambaye alijitolea kumsaidia wakati akishuka kwenye treni sambamba na mbwa wake anayemwongoza muda mfupi kabla ya Saa 4 asubuhi ya Jumatano Desemba 3, 2014.

Mpelelezi Konstebo Suleman Yazdani alisema: “Mwanamke huyo alikuwa akisafiri kwenye treni ya Northern Line inayofanya safasi zake kusini akiwa na mbwa wake anayemwongoza na sanduku lake dogo.

“Wakati akisogea kutaka kushuka kwenye treni hiyo katika Stesheni ya Waterloo, ndipo akagundua kuna mtu yupo karibu yake.

“Mwanaume huyo akajitolea kumsaidia mlemavu huyo kushuka kwenye treni hiyo, na kumshikilia.

“Hatahivyo, badala ya kumsaidia mwathirika wake, mwanaume huyo akamwingilia kimwili mwanamke huyo kabla ya kutoweka eneo ya tukio.”

Abiria mwingine alifika kumsaidia mwanamke huyo, na kumsindikiza hadi kwenye sehemu ya kukatia tiketi ambako aliripoti tukio hilo kwa wafanyakazi wa hapo.

Wapelelezi wamesema wanafuatilia simu kadhaa kutoka kwa watu mbalimbali kuhusiana na tukio hilo, na, baada ya kupitia picha za CCTV, wameweka hadharani picha ya mtu ambaye wanaamini atakuwa na taarifa kuhusu kilichotokea.

Yazdani alisema: “Mtu huyo ambaye ametenda uhalifu huo alijifanya kama msamaria mwema, kabisa ili kuweza kutumia fursa ya kufanya shambulio la ubakaji kwa mwathirika wake huyo.

“Tunafanya kila linalowezekana kuhakikisha treni za ardhini ni sehemu ambapo wanawake wanaweza kusafiri bila hofu ya tabia matukio ya ubakaji yasiyotakiwa na tumedhamiria kumsaka mtu huyo aliyehusika na shambulio hili.

“Huyu ni nani kwenye picha? Nafikiri anaweza kuwa na taarifa ambazo zinaweza kutusaidia.”