RAY J AREJEA HOTELINI ALIMOFIA WHITNEY HOUSTON...

KUSHOTO: Whitney Houston akiwa na mpenzi wake, Ray J enzi za uhai wake. JUU: Ray J akiwa wakati wa promosheni ya kipindi kipya kwenye Hoteli ya Beverly Hilton. CHINI: Muonekano wa Hoteli ya Beverly Hilton.

Mpenzi wa mwimbaji Whitney Houston, Ray J kwa mara ya kwanza amerejea kwenye hoteli ambayo mwimbaji huyo alifia.
Mwimbaji huyo mahiri wa R & B 'alionekana mwenye 'uchungu mwingi' wakati alipotembelea Hoteli ya Beverly Hilton kwa ajili ya mkutano na vyombo vya habari katika moja ya promosheni ya shoo yake jana.
Mwimbaji huyo mwenye miaka 31 alikuwa ni miongoni mwa watu wa kwanza kufika hotelini hapo wakati Whitney alipokutwa amekufa kwenye bafu chumbani kwake mwezi Februari, mwaka huu.
Kwa mujibu wa taarifa, alikuwa akiepuka kurejea kwenye hoteli hiyo kwa miezi kadhaa sababu ilikuwa 'vigumu mno' kwake kufanya hivyo.
Lakini ameweka kando hofu zake jana kwa ajili ya kupromoti kipindi cha televisheni kitakachofahamika kwa jina la The Ricky Smiley Show wakati wa Ziara ya Summer Televisheni Critics Association mwaka huu.
Ray J aliambatana na nyota mwenzake, Rickey Smiley na Prodyuza mkuu wa shoo hiyo, Roger Bobb kwa ajili ya kikao cha majadiliano.
Ray J na Whitney wanasemekana walikuwa wapenzi kwa miaka kadhaa iliyopita hadi wakati mauti yalipomkuta Whitney.
Ray J amble jina lake halisi ni William Ray Norwood, mwimbaji na mwandishi wa nyimbo amekuwa maarufu sana kwa kumuibua mwimbaji mwingine Kim Kardashian.
Alifanya hivyo, kutokana na kushiriki kama nyota mwenza kwenye video ya ngono aliyocheza pamoja na nyota huyo wa sasa mashuhuri.
Wawili hao walikutana kwa mara ya kwanza mwaka 2003, na mwaka 2007 ambapo video ya kusisimua waliyofanya wawili hao ilivujishwa.
Ray J pia ni binamu wa mwimbaji Snoop Dogg, na ni kaka wa mwimbaji Brandy.