SIMBA YARUDIA HISTORIA, YAWATOA WAARABU WENGINE...

      EEEH KIDEDEA.....OOOH KIDEDEAA...   

Licha ya kutandikwa mabao 3-1, timu ya soka ya Simba usiku huu imefanikiwa kuitoa timu ya ES Setif ya Algeria kwenye michuano ya Kombe la Shirikisho Afrika katika mechi iliyopigwa mjini Algiers.
Mabao ya ES Setif yaliwekwa kimiani na Aoudia katika dakika za 34, 46 na Benmoussa katika dakika ya 52 wakati bao la Simba lililoivusha timu hiyo ya Tanzania kwa faida ya goli la ugenini likiwekwa kwenye kamba na Emmanuel Okwi katika dakika ya 87.
Kwa matokeo hayo, matokeo ya jumla yamekuwa mabao 3-3 kufuatia ushindi wa Simba ilioupata katika mechi ya kwanza iliyofanyika Uwanja wa Taifa ambapo iliwachapa Waarabu hao mabao 2-0. Hapo sheria ya goli la ugenini unaifanya Simba isonge mbele.
Hii ni mara ya pili kwa Simba kuitoa timu kutoka mataifa ya Kiarabu, baada ya miaka kadhaa iliyopita kuwatoa Zamalek ya Misri.