ziro99blog: MWIGIZAJI STEVEN KANUMBA AFARIKI DUNIA...

BREAKING NEWS!!

Mwigizaji Maarufu wa Filamu hapa nchini, Steven Charles Kanumba "The Great" amefariki dunia usiku wa kuamkia leo baada ya kutokea ugomvi na rafiki yake. Kwa mujibu wa chanzo cha habari na kuthibitishwa pia na taarifa ya habari ya TBC leo alfajiri imedaiwa kifo chake kimesababishwa na kujibamiza ukutani hatimaye kufariki dunia. Kanumba amejizolea umaarufu mkubwa na mafanikio kwenye tasnia ya filamu nchini akifanikiwa kumiliki kampuni yake ya Kanumba The Great na kutamba na filamu zake kama 'Dar To Lagos', 'Uncle JJ', 'Moses', Black Sunday n.k. Pia ndiye mwigizaji wa kwanza wa Tanzania kuvuka mipaka na kwenda kuigiza filamu na wasanii wa Nigeria kama Mercy Johnson na Nouah Ramsey.
Mwili wa Kanumba ambaye amezaliwa Januari 8, 1984 mkoani Shinyanga, umehifadhiwa kwenye chumba cha maiti cha Hospitali ya Taifa ya Muhimbili.
Kanumba alizaliwa mtoto pekee wa kiume kati ya watoto watatu wa familia ya Mzee Charles Meshack Kanumba. Amepata elimu yake ya Msingi katika Shule ya Msingi Bugoyi mkoani Shinyanga. Baadaye akajiunga na masomo ya sekondari 'O' Level katika shule ya sekondari ya Dar es Salaam Christian Seminary na kisha masomo ya 'A' Level katika Shule ya Sekondari Jitegemee, Dar es Salaam. Baada ya kuhitimu akapata mafunzo maalumu kutoka kwa Dk. Nyoni wa Chuo Kikuu cha Dar es Salaam.
MUNGU AILAZE ROHO YAKE MAHALI PEMA PEPONI, AMEN

TUZO ALIZOWAHI KUPATA KANUMBA:

MWIGIZAJI STEVEN KANUMBA AFARIKI DUNIA...

No comments: