Ndege hizo aina ya UAV, kwa mujibu wa Mkurugenzi wa
kampuni hiyo, Tom Lithgow, zinaendeshwa bila rubani na kazi yake ni kutumwa
katika hifadhi kupeleleza kama kuna
majangili yamejificha au silaha zilizofichwa katika hifadhi hizo.
Kwa mujibu wa Lithgow, ndege hizo zikishapata taarifa
hizo, zinatoa taarifa kwa mamlaka za wanyama pori ambako watalazimika kuwatuma
askari wa doria, kufika eneo hilo litakalokuwa na silaha au majangili
watakaokuwa wamejificha.
"Teknolojia hii inatumika katika nchi
zilizoendelea, tumeona Tanzania inakabiliwa na tatizo la majangili ambao wanaua wanyama adimu
duniani kama tembo, faru na wengineo, tunaamini kuwa teknolojia hii itakuwa na
manufaa kwa nchi," alisema Lithgow.
Alisema ujangili unaongezeka hapa nchini kwa vile
askari wa wanyama pori wanatumia vifaa duni na hawana vifaa vya kufanyia doria
katika eneo kubwa, hivyo ndege hizo zitasaidia kwani kwa siku moja zinaweza
kufanya doria katika mbuga yote na kutoa taarifa za kuwepo kwa majangili hao.
Mkurugenzi Mtendaji wa Taasisi ya Sekta binafsi
(TPSF), Geofrey Simbeye, alisema taasisi yake imeleta kampuni hiyo kwa kuwa
Rais Jakaya Kikwete akiwa Marekani, aliomba mataifa yaliyoendelea yaisaidie
katika kupambana na ujangili.
"Waliuliza wanataka watusaidieje katika vita hii?
Sisi kama sekta binafsi tunaona kwamba teknolojia hii ni jibu la matatizo ya
ujangili nchini na itasaidia kuwaokoa wanyama wanaowindwa," alisema
Simbeye na kufafanua kuwa wako kampuni hiyo iko tayari kuleta ndege hiyo kwa
majaribio katika mbuga ya Seronera.
Simbeye alisema kwamba sekta binafsi ina kila sababu
za kuhakikisha kuwa wanyama ambao ndio kivutio kikubwa kwa watalii wanaendelea
kuwepo ili kulinda ajira za watu 300,000 ambao wameajiriwa katika sekta hiyo.
Naye Mkurugenzi Msaidizi wa Idara ya Wanyama Pori
katika Wizara ya Maliasili na Utalii Julius Kibebe, alisema Serikali tayari
imepokea maombi ya teknolojia nyingi ambazo wanataka kutuuzia ila kasema kwa
kampun ya Bathawk Recon wao wanataka kuingia ubia na Serikali.
No comments:
Post a Comment